മൾട്ടി ടാസ്കിങ്
മൾട്ടിടാസ്കിങ് എന്നുള്ളത് ഒരു ഘനഗംബീര വിഷയമായി ഓഫീസിൽ ഒരു സെമിനാർ. ഒരുപാട് രീതികളും , എങ്ങനെയൊക്കെ ആ
വിഷയം ജീവിതത്തിൽ ഉപയോഗിക്കണമെന്നും ഉപയോഗിക്കരുതെന്നും ഒക്കെ വിവരിച്ചു.
വീട്ടിലെത്തി ആ വിഷയത്തെ പറ്റി ചിന്തിക്കുമ്പോളാണ് എന്റെ വീട്ടിൽ തന്നെയുള്ള മൾട്ടിടാസ്‌കറെ ശ്രദ്ധിച്ചത്.
രാവിലെ അഞ്ച് മണിക്ക് എഴുനേറ്റ് ഏഴു മണിയാകുമ്പോഴേക്കും ചോറ്, കൂട്ടാൻ, ഉപ്പേരി , രാവിലേക്കുള്ള ദോശ അല്ലെങ്കിൽ ഇഡ്ഡലി, ചട്ടിണി , ചായ ഇത്യാദികൾ ഉണ്ടാക്കി, ഉച്ചക്കുള്ളവ എനിക്കും അനിയനും അച്ഛനും അമ്മയ്ക്കും പാത്രത്തിലാക്കി, ഭക്ഷണം ഉണ്ടാക്കിയ പാത്രങ്ങൾ കഴുകി അടുക്കള വൃത്തിയാക്കി , തുണികഴുകി ഉണക്കാനിട്ട്, സ്വന്തം കുളിയും ഭക്ഷണം കഴിക്കലും ഒക്കെ കഴിഞ്ഞു ജോലിക്ക് പോകാൻ എട്ടര മണിക്ക് അമ്മ വീട്ടിൽ നിന്ന് ഇറങ്ങും .
ഇതിനെ മൾട്ടിടാസ്കിങ് എന്നല്ലാതെ എന്താ പറയുക. സെമിനാറെടുത്ത മാമാ.. എന്റെ 'അമ്മ ഒരു സെമിനാറിനും പങ്കെടുത്തിട്ടില്ല . ഏറ്റവും വലിയ മൾട്ടിടാസ്കിങ് സ്പെഷ്യലിസ്റ് ഉറപ്പായും 'അമ്മ തന്നെ ആണ്.
ഇത് എന്റെ മാത്രം വീട്ടിലെ മാത്രം കാര്യമാകില്ല നിങ്ങളുടെ വീട്ടിലും ഇതൊക്കെ തന്നെയാവും അവസ്‌ഥ.
അപ്പൊ കാര്യം മൾട്ടിടാസ്കിങ് അറിയാത്തതല്ല ചെയ്യാത്തതാണ്.... അല്ലെങ്കിൽ... വേറെ നിവർത്തിയില്ലാത്തതുകൊണ്ട് ചെയ്തു പോകുന്നതാണ് ...
Comments
Post a Comment